Kur familjarët e viktimave të komunizmit përkujtonin revoltën e Spaçit dhe Qafë-Barit, Prefekti i qarkut Gjirokastër Astrit Aliaj ka marë pjesë ditën e sotme në ceremoninë përkujtimore të 75-vjetorit të Kongresit të Përmetit.
Të pranishëm gjithashtu në këtë ceremoni ishin edhe deputeti Spartak Braho, N/Prefekti Përmetit, N/Kryetari i Bashkisë Përmet, Kryetari i Komitetit të Veteranëve të Shqipërisë si dhe Sekretari i Organizatës së Dëshmorëve.
Lidhur me këtë ka reaguar edhe ish-deputeti i PD-së Enkelejd Alibeaj.
Ja çfarë shkruan ai në postimin e tij në Facebook:
Sot, 24 maj 2019, përfaqesuesit në qeveri dhe në Kuvend të Edi Ramës nderojnë Diktatorin! Pa asnjë skrupull, pa asnjë vrasje ndërgjegjje, pa asnjë shenjë pendesë, bijtë e etërve komuniste i thurin lavde diktaturës dhe dhimbjes që i shkaktuan shqiptarëve për 50 vjet! Qartësisht të frymezuar nga uzurpatori në qeveri Edi Rama, këta kriminelë dhe bij kriminelësh, persekutorë të pashpirt, shfaqin fytyrën e tyre të vërtetë! Ndaj, ka vetëm një zgjidhje:
Të protestojmë deri në përmbysje!
Shqipëria si gjithë Europa! Asnjë hap pas! Të gjithë së bashku, në Tiranë, 25 Maj ora 19.00
