Sekretari për Çështjet Ligjore në PD, Ivi Kaso në një lidhje direkte me “Radarin Informativ” në ABC foli për planet e PD-së për sa i përket Reformës Territoriale. Kaso, tha se PS ka bërë pazare me atë pjesë të PD-së që drejtohet nga Enkelejd Alibeaj, dhe që është pjesë e tryezës për reformës territoriale.
Ai theksoi se PD nuk është kundër çështjes së rajoneve, por ngriti shqetësimin se kjo mund të përdoret si pretekst për të ndërhyrë në Kushtetutë “dhe më pas për të marrë primin e mazhorancës.”
“Duan të marrin një numër deputetësh vetëm sepse del e para si parti. Do të ishte pushtet pa votë dhe është ajo çka kërkon kjo mazhorancë…Këto janë truke, vullnete për të tjetërsuar atë që është shkruar në Kushtetutë dhe në ligjin zgjedhor. Vullneti kësaj mazhorance që të përfitojë nga çështja e rajoneve”, tha Kaso.
Sekretari për Çështjet Ligjore në PD përsëriti qëndrimin e mbajtur më herët gjatë ditës së si Territorialja ashtu edhe Zgjedhorja duhet të ecin paralelisht.
“Duhet të ecin paralelisht për shkak të lidhjes së tyre organike. Nuk kemi dot një reformë të pastër territoriale pa verifikuar në impaktin që do të japin njësitë e reja administrative në garën zgjedhore…Një diskutim i tillë nuk ka ndodhur, për arsye se një produkt konsensual që mund të burojë nga komisioni për Territorialen që të jetë shkak për të kërkuar për të ndërhyrë në Kushtetutë”, tha Kaso.
U thirr në SPAK dy ditë më parë, deputeti socialist Jurgis Çyrbja dorëzon mandatin
Deputeti i Partisë Socialiste, Jurgis Çyrbja ka dorëzuar mandatin e deputetit, dy ditë pasi u paraqit në Prokurorinë e Posaçme....
