Arrestohet burri i Nancy Pelosit, Kryetares së Dhomës së Përfaqësuesve në SHBA. Paul Pelosi, 82 vjeç, u arrestua në Napa County në Kaliforni gjatë orëve të vona të mbrëmjes të së shtunës pasi u kap duke drejtuar automjetin në gjendje të dehur.
Pelosi u akuzua për drejtim të automjetit nën ndikimin e alkoolit, me një nivel në gjak prej më të lartë se 0.08. Lirimi me kusht i Pelosit u caktua në këmbim të 5,000 dollarë.
Mediat në SHBA raportojnë se detajet rreth incidentit nuk janë plotësisht të zbardhura dhe nuk dihet nëse 82-vjeçari ka qenë duke ngarë i vetëm makinën apo jo në momentin që është arrestuar.
Policia ka refuzuar të komentojë ngjarjen për mediat. Kujtojmë se Paul është bashkëshorti i Nancy Pelosit që nga viti 1963.
