Mediat greke kanë publikuar CV-të e pasura kriminale të dy shqiptarëve që u vunë në pranga në Greqi. Bëhet fjalë për Bledar Jambellin dhe Marsel Bashimin, të cilët akuzohen se kanë marrë pjesë në vrasjen e komisarit Artan Cuku, ngjarje e ndodhur në vitin 2017 në Tiranë.
Bledar Jambelli, 42 vjeç alias Rikardo Muho alias fals Xristos Xamkidis është arrestuar në 16.12.2018 ne Greqi për “mosbindje” dhe “armëmbajtje pa leje” por është liruar në 2019. Ai rezulton me precedentë penale në Greqi gjithashtu për “mashtrim”, “vjedhje”, “shkelje të ligjit mbi emigrantet”. Njëherë ai ia ka dalë të arratiset nga një komisariat policie në Greqi. Në Shqipëri Jambelli ka qenë i arrestuar për një vrasje në Vlorë të ndodhur në 2012. Në vitin 2006, po në Vlorë, ai është arrestuar për dy vrasje dhe një plagosje, por ka arritur që të dalë nga qelia.
Marsel Bashimi, 35 vjeç alias Marsel Shkurtaj alias Marsel Gozhita është arrestuar si pjese e një grupi kriminal për vjedhje dhe grabitje, kryesisht ne mjetet e transportit publik. Ai reaulton të jetë hetuar më parë për “shkelje te ligjit mbi emigrantet” dhe “falsifikim”, i arrestuar edhe për plagosjen me thikë të një gjeorgjiani që punonte si shpërndarës porosish. Në Shqipëri , Bashimi është arrestuar në nëntor 2014 për vjedhjen me dhune të një 20-vjeçareje në Lazarat.
Të dy u vunë në pranga një natë më parë në Greqi pasi ishin shpallur në kërkim për një plagosje të shumëfishtë të ndodhur brenda një lokali. Nuk dihet nëse ata do të ekstradohen në Shqipëri për akuzat që u janë ngritur për vrasjen e Cukut.
