Kritiku i artit, Vittorio Sgarbi ka vizituar Galerinë e Arteve për të parë veprat e realizmit socialist. Gjatë kësaj vizite, ai është shoqëruar nga drejtori i GKA, Artan Shabani, i cili është piktor dhe koleksionist i njohur në Itali.
Sgarbi është një kritik arti që njihet nga publiku, sepse drejton dhe merr pjesë në disa emisione televizive, por në të njëjtën kohë ai është një politikan dhe personazh mediatik shumë popullor në vendin fqinj.
Më herët, Sgarbi ka prezantuar për revistën italiane “Chi”, një tjetër vajzë të tij, e cila është gjysmëshqiptare. Lidhur me vajzën e tij të panjohur, ai thotë se e ka emrin Alba, është 18 vjeç dhe mban mbiemrin e kritikut të njohur të artit që ka pasur një marrëdhënie me Kozetën, një këngëtare lirike shqiptare.
