Policia ka arritur të zbardhë një krim të dyfishtë nisur nga letra që Sokrat Shani, banues në Krutje të sipërme të Lushnjes kishte lënë në banesën e tij ku kishte kryer vetëvrasjen. Sipas policisë 65 vjeçari kishte kryer vetëvrasje me një pistolete “TT” në orët e para të mëngjesit të 15 gushtit 2016. Ora News zbulon përmbajtjen e letrës
Policia informon: “Si pasojë e një hetimi profesional u gjet një letër ku shkruhej një adrese dhe nje emer ne Golem te Kavajës. Për këtë u bashkëpunua me Komisariatin e Policisë Kavajë dhe gjatë kontrollit të kësaj banese, në njërën nga dhomat e saj u gjend e vdekur dhe me shenja dhune shtetasja Jonida Çanaku 29 vjeç, banuese në fshatin Kryekuq Divjakë, shtëpiake”
Vajza kishte dy dite e larguar nga banesa- Sipas deklarimit të familjarëve Jonida kishte dy ditë e larguar nga banesa dhe u kishte thënë prindëve se do shkonte tek tezja.
Policia informon: “Nga kqyrja e te dyja vendngjarjeve dhe te gjitha provat e mbledhura paraprakisht, rezulton se shtetasi Sokrat Shani është autor i vrasjes së shtetases Jonida Çanaku, me të cilën shoqërohej kohët e fundit, dhe më pas ka vrarë veten” .Krimi u zbardh nga drejtoria vendore e policisë Fier. 29 vjeçarja është gjetur e lidhur dhe trupi i saj drejt dekompozimit çka tregon se krimi mund të jetë kryer 48 orë më parë
