Policia pretendon se biznesmeni ka fyer efektivët pasi ata do ta gjobisnin për parkim të gabuar
Policia e Tiranës shpalli sot në kërkim biznesmeni Nikollaq Neranxi, pasi ai ka kundërshtuar forcat e policisë. Në një komunikatë për mediat, policia njofton se rreth orës 16:10 minuta të ditës së sotme, shërbimet e Komisariatit të Policisë nr 6, të planizuar me shërbim në rrugën dytësore të autostradës Tiranë – Durrës, kanë konstatuar disa mjete të parkuara në mënyrë të parregullt.
“Shërbimi i Policisë ka filluar të vendosë masa administrative ndaj këtyre mjeteve, por është kundërshtuar, sharë dhe ofenduar gjatë kryerjes së detyrës, nga shtetasi N. N. Menjëherë shërbimet e Policisë kanë marrë masa për shoqërimin e këtij shtetasi por janë penguar nga dy rojet e tij të cilët janë shoqëruar në ambientet e Komisariatit të Policisë nr. 6”, informon policia.Po punohet për gjetjen dhe shoqërimin e N. N. dhe sqarimin e plotë të rrethanave”, njofton policia.
