Policia ka shkëputur energjinë e godinës së Teatrit Kombëtar, brenda të cilit ndodhen artistë, qytetarë dhe përfaqësues të opozitës.
Lajmi është konfirmuar nga anëtarët e Aleancës për Mbrojtjen e Teatrit Kombëtar.
Nga ana tjetër mësohet se janë parë forca të shumta speciale, të cilat janë organizuar prapa ish-hotel Dajtit në pritje të një ndërhyrje, nga momenti në moment.
Aktivistë të lëvizjes për mbrojtjen e Teatrit po ju bëjnë thirrje qytetarëve të kryeqytetit, që të bashkohen urgjentisht në mbrojtje të pronës publike dhe kauzës së tyre.
