Policia Rrugore kontrolle në Gjirokastër, 45 gjoba për shoferët që s’mbanin rripin e sigurimit

0
61

Policia e Gjirokastrës njofton se në javën që lamë pas ka arrestuar tre shoferë, ka pezulluar 4 patenta dhe janë vendosur 367 gjoba.

Në prangat e policisë ka rënë R.M., 50 vjeç, pasi nuk i është bindur urdhrit për të ndaluar ndërsa pas testit ka rezultuar i dehur.

Gjithashtu edhe A.R., 32 vjeç nuk i është bindur policisë për të ndaluar pasi ishte në gjendje të dehur. Sakaq, në pranga ka rënë edhe A.G., pasi në gjendje të dehur është përfshirë në aksident ku kishte vetëm dëme materiale.

“Rrugorja’ bën me dije se janë vendosur 367 gjoba si vijon:
– 4 masa për drejtim mjeti nën efektin e pijeve alkoolike;

– 45 masa për mosvendosjen e rripit të sigurimit;

– 120 masa për parakalime të gabuara;

– 1 masë për shpejtësi mbi normën e lejuar;

– 105 masa për ndalim/pushim të mjetit në kundërshtim me sinjalizimin rrugor dhe rregullat e qarkullimit;

– 91 masa për shkelje të rregullave të tjera të Kodit Rrugor, të cilat janë burim aksidenti.

Kapet rreth 56 kg drogë në Igumenicë, arrestohet shoferi grek

Policia greke ka sekuestruar rreth 56 kg marijuanë në Igumenicë në kuadër të një operacioni të zhvilluar mëngjesin e sotëm.

Gjatë kontrollit të ushtruar në një automjet që vinte nga kufiri i gjelbër, janë gjetur dhe sekuestruar 2 çanta me 48 pako që përmbanin 55 kg 618 gram marijuanë. Ndërkohë, në pranga ra drejtuesi i mjetit, një shtetas grek.

Gjatë kontrolleve në dy banesa në pronësi të tij u gjeten dhe sekuestruan 104 gram marijuanë, 1345 euro, 2 celulare, 1 peshore. Mjeti i sekuestruar rezulton i marrë me qira.

Prej fillimit te vitit, policia greke ka sekuestruar ne zonat kufitare rreth 470 kg marijuane qe vinin nga Shqiperia.