Forca të shumta policie kanë rrethuar selinë e Partisë Demokratike në Tiranë.
Raportohet se vetëm në hyrjen e godinës së Parlamentit që është ngjitur me godinën e PD, ndodhen shtatë furgona policie, ndërsa prani e madhe efektivësh vërehet në të gjithë zonën përreth këtij objekti.
Prania e forcave të rendit rreth godinës së PD-së është shtuar gjatë minutave të fundit teksa pritet të përfundojë edhe Kuvendi i thirrur nga Berisha, në të cilin po votohet shkarkimi i Lulzim Bashës.
Duket se policia i trembet një mbledhjeje të delegatëve të ftuar nga Berisha në godinën e PD pas rezultatit për shkarkimin e Bashës, dëshirë të cilën e kanë shprehur mjaft prej tyre./abcnews
