Policia e Shtetit ka nisur edhe patrullimet nga ajri për operacionet e monitorimit për zbulimin e parcelave me kanabis.
Policia ka konfirmuar se është e vendosur të parandalojë kultivimin e bimëve narkotike, si dhe të ndëshkojë cilindo që do tentojë të kultivojë bimë narkotike.
“Deri tani fushata e parandalimit ka pasur sukses të plotë. Asnjë rrënjë kanabis nuk është gjetur as në vendet e mbyllura e as të hapura”.
Policia e Shtetit do vijojë kontrollet çdo javë, më të shpeshta në zonat me risk. Gjithashtu Policia e Shtetit po vijon operacionet në bashkëpunim të ngushtë me partnerët për luftën kundër drogës.
