Një përplasje mes ministrisë së Brendëshme dhe asaj të Drjtsisë duket se do të behet shpejt më konkrete. Sot ishte një tjetër rast i përplasjes mes këtyre dy institucioneve dhe është fjala për dhunën e ushtruar nga policia për dy të arrestuar. Ministria e Drejtësisë lajmëron se bëhet fjalë për shtetasit me iniciale A.P, dhe I.K. të cilët janë dhunuar ashpër nga policia.
“Shtetasit e arrestuar janë dorëzuar ne gjendje të rendë shëndetësore dhe me dëmtime të dukshme fizike për shkak të dhunës së ushtruar, ndërsa njëri nga të arrestuarit ka dëmtime më të rënda dhe gjendet në spital”, sqaron njoftimi për shtyp i ministrisë së Drejtësisë. Ndërkohë, ministry Manjani ka urdhëruar Shërbenin e Kontrollit të Brendshëm të Burgjeve qe te evidentoje ngjarjen dhe ta referoje menjëherë rastin në Prokurori, ndërsa sjell ne vëmendje së ushtrimi i dhunës ndaj personave të ndaluar përbën vepër penale. Aktualisht, personave te dëmtuar po ju merren dëshmitë paraprake dhe çështja do t’i referohet prokurorisë”.
Pak ditë më parë, ministri Manjani bëri një deklaratë ku la të kuptohej mungesa besimit të qytetarëve tek policia.
