Policia e Tiranës liroi në mesnatën e mbremshme biznesmenin Nikollaq Nëranxi, pasi është mbajtur i shoqëruar për disa orë në komisariatin e policisë. Neranxi u shoqërua pas një debati me efektivët e policisë pranë kompanisë së tij në autostradë. Policia pretendon se biznesmeni ka ofenduar efektivët që po vendosin gjoba për disa makina të kompanisë së tij që ishin parkuar në mënyrë të parregullt.
Sipas njoftimit për shtyp, sapo patrulla e policisë po vendoste gjobat, Neranxi ka nisur ti ofendojë dhe shajë efektivët.
