Forcat Speciale kanë zbarkuar në orët e para të mëngjesit të sotëm (15 shkurt) në banesat e 3 gjyqtarëve, të cilët firmosën për ndryshimin e masës së arrestit për Dritan Dajtin.
Kontrollet janë bërë në banesën e gjyqtarit të Gjykatës së Aplit në Vlorë, Skënder Damini, Petrit Aliaj, gjyqtar në Gjykatën e Aplit Vlorë dhe Aleks Nikolla gjyqtar në Gjykatën e Apelit në Shkdër.
Ora News mëson se kontrolle të befasishme në banesat e tre gjyqtarëve janë bërë me kërkesë të Prokurorisë së Krimeve të Rënda.
Kërkesa e Krimeve të Rëndë është bërë pas dyshimeve për korrupsion të gjyqtarëve.
Kontrollet në banesat e tyre, që dhanë vendimin për Dajtin u bë nga forcat speciale, teksa gjyqtarët e Gjykatës së Apelit të Krimeve të Rënda akuzohen se kanë dhënë vendim në favor të Dritan Dajtit.
Tre ditë më parë, Ministrja e Drejtësisë, Etilda Gjonaj dorëzoi në KLGJ, kërkesën për fillimi i hetimit disiplinor për gjyqtarët Skënder Damini, Aleks Nikotli dhe Petrit Aliu.
Nisur nga kjo kërkesë, Këshilli i Lartë Gjyqësor përmes një deklarate për mediat informoi publikun se kjo çështje do të trajtohet me përparësi, paanshmëri dhe profesionalizëm.
Këshilli nënvizon se do të bëjë vlerësimin e duhur, në përputhje me kuadrin e ri ligjor dhe do të ndërmarrë çdo veprim të nevojshëm në respektim të ligjit.
http://www.oranews.tv/article/ulen-denimin-dritan-dajtin-aksion-ne-banesat-e-gjyqtareve
