Policia italiane, ka arrestuar tre persona teksa prisnin një ngarkesë prej 1 ton kanabis me vlerë 1 milionë euro, nga një kamion që transportonte fruta dhe perime. Operacioni është kryer në Ferrara, ndërsa droga vinte nga Spanja.
Në momentin e arrestimit shqiptarët ndodheshin në një magazinë, pasi kishin shkarkuar lëndën narkotike dhe po konsumonin shegë. Policia gjeti edhe 300 gramë kokainë të fshehura mes arkave në kamion, si dhe 13 500 euro kesh të cilat dyshohet se ishin shpërblimi i grupit trafikant për drejtuesin e kamionit. Në prangat e policisë ranë një maroken, një spanjoll, si edhe 3 shqiptarë.
Shqiptarët e arrestuar janë Vital Meço, 43 vjeç, Alfred Gjoka, 36 vjeç, si edhe Tonin Bibaj, 33 vjeç, pronari i një firme për shtijen e druve të zjarrit në qytetin e Quarratas. Banda dyshohet se është pjesë e një rrjeti ndërkombëtar të trafikut të lëndëve narkotike.
