Kryeministri Rama, disa ditë më parë, i kërkoi policisë së shtetit të dilte me një deklaratë lidhur me misterin që mbulon zhdukjen e Ervis Martinajt që prej 11 gushtit. Por me sa duket fjalët e Ramës kanë rënë në vesh të shurdhër pasi policia ende nuk ka një version zyrtar.
Gjatë bashkëbisedimit me gazetarët dhe qytetarët në Facebook, Rama u pyet se kur do të reagojë policia, ndërsa vetë ky i fundit u shpreh se duhet të kemi durim.
Rama: Nëse përgjigjja do të ishte aty dhe do të ishte mbajtur e fshehur do të dilte për 9 ditë, por besoj se duhet të keni pak më shumë durim për të marrë një përgjigje përfundimtare dhe unë jam besimplotë që do ta kemi shumë shpejt. Sepse përgjigjja e Policisë së Shtetit duhet të jetë një përgjigje që duhet të mbështetet dhe në prova, nuk është thjesht një përgjigje të cilën pak a shumë e kemi që sot, por s’mund të thuhet zyrtarisht sepse kërkon të jetë e provuar.
