Policia e Shtetit ka deklaruar se rreth 40 deri në 50 për qind e armëve janë rikthyer në depot e shtetit duke theksuar se procesi i dorëzimit vullnetar po ecën me ritme të kënaqshme.
Nënjë dalje për mediat drejtor i Rendit Publik, Albert Dervishaj deklaron: “Rreth 40 deri në 50 për qind të armëve janë rikthyer në depot e shtetit. Një pjesë e armëve kemi informacione se janë trafikuar, ndërsa një pjesë tjetër janë dëmtuar gjatë periudhës mbi 10-vjeçare që kanë kaluar. Nëse shohim mesatarisht, gjatë këtyre ditëve kemi patur 6 deri në 8 armë në ditë. Vetëm në 24 orët e fundit ka patur 15 armë”.
Aminista për dorëzimin e armëve ka hyrë në fuqi prej një jave dhe do të zgjasë deri më 30 prill.
