Prej disa muajsh, policia rrugore e Elbasanit dhe patrullat, nën argumentin se po zbatojnë ligjin, kanë ndëshkuar me gjoba të padrejta disa prej gazetarëve dhe operatorëve dhe madje në raste të tjera janë bërë pengesë në realizimin e misionit të tyre, informimin e publikut.
Gazetarët dhe operatorët në disa raste ata kanë njoftuar shefat për ndëshkimet e padrejta. Janë modestë, sepse mjaft prej tyre nuk vendosin në automjete logo dhe nuk duan të abuzojnë me faktin se punojnë në këtë sektor.
Ndërsa në disa raste uniformat nuk kanë pyetur as për logo por kanë vendosur gjoba, edhe pse ekipet e gazetarëve kanë qenë duke realizuar kronika dhe janë kujdesur që të parkojnë pa cenuar qarkullimin.
Është shumë e çuditshme sepse këta nuk tregohen as mirënjohës. Sa herë që u duhet që të reklamojnë punën e tyre, nuk lënë gazetar dhe televizion pa kërkuar dhe madje janë gati të lejojnë edhe parkime të gabuara. Por kur rasti që të plotësojnë normën me gjoba, bëjnë sikur nuk njohin dhe respektojnë ligjin.
Ok. Shumë mirë. Të respektohet ligji. Por për të gjithë njlloj. Ja p.sh. Disa nga studiot televizive janë vendosur tek Turizmi Skampa. Aty vihet re një mish-mash automjetesh. Gazetarët dhe operatorët nuk gjejnë një vend parkimi. Por në vend që të ndëshkojnë ata që bëhen pengesë dhe shkaktojnë këtë kaos, ndëshkohen njerëzit e medias.
Për çudi më ekspertë janë këta të patrullave. Vendosin gjobat dhe zhduken.
Gazetarët e Elbasanit kanë dëshiruar gjithnjë që të vendosin raporte bashkëpunimi me policinë në interes të publikut. Dhe në fakt kështu ka funksionuar. Ata (gazetarët) janë treguar të gatshëm që të realizojnë kronika sensibilizuese, qoftë sa i përket rendit dhe qetësisë publike, qarkullimit apo shkelësve të tjerë të ligjit. Por kur konstaton këtë “mosmirënjohje” dhe mbi të gjitha ndëshkime të padrejta, atëherë do të dinë të denoncojë publikisht çdo polic që abuzon me uniformën.
http://www.infoelbasani.al/policia-elbasan-po-pengon-punen-e-gazetareve/
