Falë ndihmës që Policia Bashkiake dha në ditët e acarta, duke ndihmuar njerëzit në rrugë, kryebashkiaku Erion Veliaj tha se u shpëtuan 200 jetë njerëzish.
“Kjo s’është detyrë tipike e saj, por duke qenë se rasti ishte atipik dhe emergjenca ishte e një lloji që Tirana s’kishte parë që nga viti ‘85, secili prej nesh doli përtej detyrës, punoi me orë të stërgjata në kushte jashtëzakonisht të vështira. Dua t’ju falenderoj sepse shpëtuam 200 jetë njerëzish falë Policisë Bashkiake”, deklaroi Veliaj.
Më shumë se 42 për qind e kësaj policie është e re në detyrë, si pasojë e shkarkimeve nga detyra pas ankesave të qytetarëve për mungesë të etikës.
