Dy persona janë arrestuar nga Policia e Kuçovës, me akuzën e kultivimit të kanabisit. Në kuadër të operacionit “diga”, është sekustruar në një banesë në fshatin Demollarë të qytetit të Kuçovës 100 kubikë me bimë narkotike “Canabis Sativa”, të gatshme për t’u kultivuar.
Policia e Kuçovës ka arrestuar edhe dy kultivuesit e bimës narkotike: Gerald Gjika (Klevis Sina) 30-vjeç dhe Gentjan Bilishi 37-vjeç, të dy banues në lagjen 1 Maji në qytetin e Kuçovës.
Banesa ku u gjetën 100 kubikët me canabis ishte në pronësi të dajës së Geraldit, shtetasit Agron Demaj, që jeton në Greqi. Duke qenë se banesa ishte bosh, të rinjtë e kanë përdorur atë për kultivim të bimëve narkotike.
Materialet proçeduariale në ngarkim të tyre i kaluan Prokurorisë së Rrethit Gjyqësor Berat, për veprat penale: “Kultivim i bimëve narkotike” e kryer në bashkëpunim, parashikuar nga Nenet 284 dhe 25 të Kodit Penal.
