Drejtoria e Policisë Rrugore iu bën apel shoferëve të tregojnë kujdes maksimal në rrugë, nisur nga reshjet e shiut dhe dëborës.
“Shiu, dëbora dhe errësira veshtirësojnë lëvizjen dhe shtojnë rrezikun për aksidente rrugore.
Drejtoria e Policisë Rrugore apelon të gjithë drejtuesit e mjeteve që qarkullojnë në akset rrugore por dhe në të gjitha akset e tjera rrugore në qarqe, të tregojnë kujdes, të moderojnë shpejtësinë, mos kryejnë parakalime të gabuara, të vendosin rrypin e sigurimit, kaskat mbrojtëse për biçikletat dhe motoçikletat, si dhe mos drejtojnë mjetin nën efektin e alkoolit.
Si dhe në ato akse si rruga e kombit apo akse të thella malore ku ka prezencë të dëborës këshillohet qarkullimi me zinxhirë pavarësisht trashësisë së dëborës”, njofton policia.
