Një ngjarje e rëndë është regjistruar në komisariatin numër 3 në Tiranë, ku mësohet se një polic ka plagosur kolegun e tij. Sipas informacioneve, një efektiv policie me iniciale Ludian Zaimi ka plagosur me armë zjarri kolegun e tij Caush Saliasi.
Caush Saliasi i cili është dërguar me urgjencë në sallën e operacionit, nuk ka mundur t’i rezistojë plagëve të marra dhe ka ndërruar jetë. Autori, efektivi Ludian Zaimi është brenda ambienteve të komisariatit ku ndodhi ngjarja.
Sipas burimeve, sherri brenda në komisariat mes dy kolegeve ka nisur për motive të dobëta e më pas është përdorur arma e zjarrit.
