Tifozët e Feyenord vijojnë të jenë nën atmosferën dhe emocionet e ndeshjes e cilado të startojë në orën 21:00 tek stadiumi “Air Albania”.
Disa prej tyre kanë arritur pranë hyrjes në stadium. Burime bëjnë e dije se tifozët do të jenë nën kontrollin e forcave policore për të shmangur incidentet dhe rastet dhunës dhe përplasjeve me tifozët e ekipit kundërshtar.
Në fotot më poshtë shihen policët të cilët bëjnë gati flamurët e Feyenoord me të cilat do të pajisen të gjithë tifozët.
Ndërkaq, tifozët e Romës vijojnë “spektaklin” në pedonale pak orë para nisjes së finales së madhe të Conference League.
Ata janë duke ardhur kryesisht nga pikat kufitare të Durrësit dhe Rinasit, dhe në pamjet e publikuara nga mediat italiane duken të entuziazmuar para ndeshjes së mbrëmjes për finalen e Conference League.
Corriere Dello Sport ka publikuar një video ku disa nga ultrasit e ekipit të Romës shihen duke festuar gjatë fluturimit me charter drejt Tiranës. Atmosfera në kabinën e avionit është elektrizuese dhe nuk mungojnë koret mbështetëse për ekipin verdhekuq.
