Për Pol Gaskoinj duket se nuk ka më kthim pas, megjithëse i ka tentuar të gjitha llojet e terapive, për t’u shkëputur nga varësia ndaj alkolit dhe drogave të ndryshme. Kjo është pamja e fundit e ikonës së futbollit anglez, i cili ka dalë nga apartamenti i tij i veshur vetëm me një robdeshambër, për të blerë një tjetër shishe “xhin” dhe cigare.
Gaza, tashmë 49 vjeç, ekspozon veten kështu, duke zbritur nga një taksi dhe duket qartë që është në gjendje shumë të rëndë, fare i papërgjegjshëm. Sipas një dëshmitari, Pol, përveç alkolit dhe cigareve, mbante në dorë edhe qetësues, si dhe qëndroi për një kohë të gjatë në mes të rrugës, ku të gjithë fqinjët të kishin mundësi ta shihnin. “Një pamje fare e pakëndëshme dhe ne të gjithë jemi shumë të indinjuar me të”.
Më pas ish-futbollisti i përfaqësueses angleze filloi t’i binte zileve të fqinjëve, pasi i kishte harruar brenda në banesë çelësat e tij. Më pas u pa të vinte një makinë policie, si dhe një ambulancë, por edhe ata e kishin shumë të vështirë ta qetësonin, pasi Gaza ishte bërë shumë agresiv.
