Zbulohet identiteti i ish-efektivit të Forcave Renea të arrestuar mbrëmjen e djeshme në Pogradec i akuzuar për trafik klandestinësh.
Ai është punonjësi i Policisë, Jetor Zyko (trup shërbimi në Komisariatin e Elbasanit) i cili dyshohet se kishte rolin e kontrolluesit të rrugës.
Pesë persona u arrestuan mbrëmjen e djeshme në Pogradec për trafik klandestinësh.
SHÇBA ndaloi 19 shtetas të huaj, me shtetësi kurdë dhe sirianë ,në hyrje të qytetit të Pogradecit të cilët po transportoheshin drejt Tiranës me mjete që drejtoheshin nga shtetasit shqiptarë E.A. dhe T.H.
Gjithashtu SHÇBA po vijon ndjekjen penale në gjendje të lirë për veprën penale të “Shpërdorimit të detyrës”, për Shefin e Stacionit dhe 2 punonjës të Patrullës të Kontrollit të Kufirit të gjelbër, për mos-përmbushje të detyrës.
