Një tjetër krim në familje ka ndodhur mëngjesin e ditës së sotme në Pogradec, ku një burrë ka vrarë gruan e tij.
Ngjarja e rëndë ka ndodhur në fshatin Blacë. Mësohet se për motive të dobta 49-vjeçari Bashkim Mekolli ka goditur me sqeparë e thikë të shoqen, Demirke Mekolli 49 vjeç.
Policia bën të ditur se çifti ka pasur probleme më parë, çka ka sjellë edhe fundin tragjik të Demirke Mekollit.
Policia ka shkuar në vendngjarje duke bërë të mundur edhe arrestimin në flagrancë të Bashkim Mekolli, dhe po punon për zbardhjen e plotë të ngjarjes.
