Në prag të përballjes me Bajern Mynih, mesfushori i Juventusit, Pol Pogba, ka dhënë një intervistë për Sky-n gjerman.
Ai ka thënë se Juventusi nuk frikësohet nga asnjë ekip.
Duke folur për bavarezët, ai tha se admiron në veçanti një lojtar të Bajernit, që është Tomas Myler.
Ndërkohë, francezi ka trembur tifozët bardhezinj, pasi ka thënë se në një të ardhme mund të luajë për Pep Guardiolën.
“Jam një lojtar i Juventusit, por në të ardhmen mund të zhvillohet mundësia për të punuar me Pep Guardiolën.
“Guardiola ka shumë eksperiencë dhe një filozofi të jashtëzakonshme të lojës. Është një trajner që influencon shumë mbi skuadrën dhe respektohet nga të gjithë lojtarët.
Më kanë thënë se ia del gjithmonë të përmirësojë të gjithë lojtarët që ka në dispozicion”, tha Pogba.
