Një 67 vjeçar ka humbur jetën tragjikisht ditën e sotme, pasi i ranë mbi kokë disa pllaka mermeri të cilat po i tranpsortonte.
Bëhet fjalë për shtetasin e quajtur Nikë Therçaj, 67 vjeç, ndërkohë ngjarja e rëndë ndodhi në fshatin Shkjezë të Bushatit.
I ndjeri po i transportonte pllakat në varrezat katolike të fshatit dhe dyshohet se ështe penguar, çka ka sjellë cdekjen tragjike të tij.
Njoftimi i Policisë:
Vau i Dejës/ Shkodër
Informacion paraprak: Më datë 07.06.2021, rreth orës 17.00, shtetasi N.Th, 67 vjeç, duke transportuar një pllakë guri për në varrezat katolike të fshatit Shkjezë, Bushat, Vau i Dejes, dyshohet se aksidentalisht është penguar duke i rënë pllaka e mermerit në kokë dhe për pasojë shtetasi N.Th ka humbur jetën.
Grupi hetimor nën drejtimin e Prokurorisë po vijon punën për sqarimin e plotë të rrethanave të ngjarje.
