Policia e Lezhës ka arrestuar mëngjesin e kësaj të diele një 40-vjeçar të cilit iu gjetën gjashtë bomba të telekomanduara. Në prangat e policisë ka rënë Eduard Sinanaj, banues në Tiranë (i dënuar më parë për veprën penale “Dhënie ndihme për kalim të paligjshëm të kufirit”.
Në aksin rrugor Milot – Lezhë, në vendin e quajtur Ishull Lezhë, u kap me automjetin e tij tip “Peugeot” që po drejtonte, pasi në bagazh, në një rrotë karroce, kishte fshehur 6 mina me telekomandë të cilat u sekuestruan në cilësinë e proves materiale sëbashku me automjetin.
Policia ka publikuar edhe pamjet e momentit të arrestimit të 40-vjeçarit nga forcat e policisë. Në video duket një agjent i veshur civil, i cili shtiret sikur po bisedon në telefon dhe brenda pak sekondash aty mbërrin një automjet nga ku dalin dy efektivët e tjerë, të cilët i drejtojnë armët 45-vjeçarit dhe i kërkojnë të dalë nga “Peugeot” dhe më pas e shtrijnë në tokë duke i vënë prangat.
