Një helikopter mjekësor është përfshirë një aksident të pazakontë në Ohion jugore, SHHA. Mediat amerikane raportojnë se helikopteri po shkonte të transportonte të plagosurit e një aksidenti fatal me makinë në momentin që është rrëzuar. Dy automjete ishin përplasur në orën 04:00 të mëngjesit, në Milford Township, thuhet në deklaratën e Zyrës së Sherifit të qarkut Butler.
Gjatë aksidentit, një grua 69-vjeçare humbi jetën dhe tre të plagosur u nxorrën nga automjeti, i vetmi që shpëtoi pa lëndime ishte drejtuesi i mjetit tjetër.
Kur helikopteri CareFlight mbërriti për të marrë një grua 43-vjeçare e cila u plagos rëndë, ai “u rrëzua ndërsa po përpiqej të zbriste në vendngjarje”, thanë autoritetet.
Piloti dhe dy personat e tjerë të ekuipazhit në helikopter u transportuan në spital me lëndime jashtë rrezikut për jetën, tha zyra e sherifit.
Qarku po punon me Administratën Federale të Aviacionit për të hetuar rrëzimin e helikopterit.
Sot dueli me çekët, formacioni i mundshëm i Kombëtares/ Presidenti Duka apel tifozëve në stadium: Le të tregojmë qytetari
Sot në mbrëmje, gjithë vëmendja është në Arenën Kombëtare aty ku Shqipëria do të përballet me Republikën Ceke. Edhe në...
