Ish-kryeministri Sali Berisha nga takimi me arsimtarët në Tiranë, foli për kushtet e mjerueshme në të cilat gjenden shkollat shqiptare.
Në fjalën e tij, kryedemokrati tha se 90% e shkollave nuk kanë ujë të rrjedhshëm. Më tej, ai u shpreh se shkollat po mbyllen njëra pas tjetrës duke rritur nivelin e kriminalitetit në vend.
“Sot 90% e shkollave nuk kanë ngrohje. Nuk kanë ngrohje as shkollat në Tiranë. 70% e shkollave nuk kanë më ujë të rrjedhshëm. Dhe kushtet në këto shkolla janë. Shkollat pa ujë të rrjedhshëm kanë qenë shekuj përpara. Dhe kjo po ndodh.
Shkollat në Shqipëri mbyllen njëra pas tjetrës. Është 2-fishuar numri i policëve. Është 2-fishuar kriminaliteti dhe burgjet. Hap një shkollë të mbyllësh një burg, këtu kjo është shndërruar mbyll një shkollë të hapësh një burg. Ne e kemi dhe do ta kemi këtë proces, më seriozin e veprimtarisë së PD nesër në pushtet”, u shpreh Berisha.
Berisha u shpreh se shkollat po mbyllen njëra pas tjetrës ndërsa thekson se po vihet në zbatim motoja “mbyll një shkollë të hapësh një burg”.
