Studentët e të gjithë fakulteteve në Tiranë, kanë marshuar drejt Ministrisë së Arsimit në ditën e tretë të protestës së tyre. Ata kërkojnë: uljen e tarifave të shkollimit dhe përmirësimin e kushteve të jetesës.
Të gjitha rrugët kryesore të kryeqytetit janë mbushur me studentë, të cilët të vetëorganizuar nga të gjithë fakultetet janë grumbulluar dhe po marshuan drejt ministrisë së Arsimit, ku janë takuar të gjithë.
Në bojkot sot janë: studentët e Juridikut, Ekonomikut, Shkencave të Natyrës dhe UBT.
Studentëve të Tiranës u janë bashkuar dhe ata të Universitetit “Aleksandër Moisiu” të Durrësit, që janë mbledhur në Spitallë, ndërsa kanë dalë në protestë studentët e Universitetit “Fan Noli” në qytetin e Korçës dhe “Aleksandër Xhuvani” në Elbasan.
https://www.facebook.com/belind.kellici/videos/10156573108865325/
Studentët i kërkojnë qeverisë:
- Anulimin e Vendimit të Këshillit të Ministrave nr. 288, të miratuar më 21.05.2018, sidomos pikën 4 të tij që u vendos një gjobë të padrejtë studentëve për provimet e mbartura.
- Rritjen e buxhetit të shtetit për universitetet publike dhe përgjysmimin e të gjitha tarifave universitare duke ulur tavanin e tarifës maksimale.Ndërsa autoriteteve drejtuese të universiteteve publike u kërkojmë:
- Ndarjen e pagesës së tarifës në dy këste.
- Shtyrjen e afatit të pagesës së secilit këst përtej sezonit të provimeve të semestrit të parë.
