Ilir Beqaj, ish-ministri i Shëndetësisë, u paraqit sot pasdite në SPAK duke respektuar kështu vendimin e GJKKO që e detyron atë të jetë prezent çdo të premte para OPGJ-së.
Ndaj Beqajt po zhvillohen hetime lidhur me koncensionin e sterilizimit, për të cilin është marrë në pyetje disa ditë më parë edhe Ogerta Manastirliu, ish-Drejtore e QSUT, në kohën kur nisi ky koncension.
Beqaj në një reagim për mediat ngriti shqetësimin se SPAK nuk po i vendos në dispozicion dosjen hetimore, ndërkohë që kërkoi nga GJKKO të marrë një vendim lidhur me kërkesën e paraqitur prej tij.
“SPAK po nxjerr pengesa artificiale për të na vënë në dispozicion dosjen hetimore, e cila do të na ndihmonte edhe në seancat e marrjes në pyetje”, tha Beqaj.
Masa e sigurisë ndaj ish-ministrit të Shëndetësisë Ilir Beqaj u caktua në nëntor 2023. Hetimi nga SPAK ka të bëjë me shkeljet që Beqaj dyshohet se ka kryer në koncesionin e Sterilizimit me vlerë 100 milionë euro dhe afat 10-vjeçar, të fituar nga biznesmeni Ilir Rrapaj, që ndodhet tashmë i arrestuar së bashku me ish-zv ministrin e Shëndetësisë, Klodian Rrjepaj.
Në deklaratat e mëparshme, beqaj kërkonte nga SPAK një thellim të hetimeve, ndërsa lidhur me këtë koncension është marrë në pyetje edhe Ogerta Manastirliu me cilësinë e personit që ka dijeni për rrethanat e ngjarjes. Beqaj shmangu sot komentet lidhur me disa raportime mediatike, sipas të cilave, ish-Drejtoresha e QSUT (Manastirliu) është detyruar nga Beqaj për zbatimin e koncensionit të sterilizimit.
Ilir Beqaj, ish-ministri i Shëndetësisë, u paraqit sot pasdite në SPAK duke respektuar kështu vendimin e GJKKO që e detyron atë të jetë prezent çdo të premte para OPGJ-së.
Ndaj Beqajt po zhvillohen hetime lidhur me koncensionin e sterilizimit, për të cilin është marrë në pyetje disa ditë më parë edhe Ogerta Manastirliu, ish-Drejtore e QSUT, në kohën kur nisi ky koncension.
Beqaj në një reagim për mediat ngriti shqetësimin se SPAK nuk po i vendos në dispozicion dosjen hetimore, ndërkohë që kërkoi nga GJKKO të marrë një vendim lidhur me kërkesën e paraqitur prej tij.
“SPAK po nxjerr pengesa artificiale për të na vënë në dispozicion dosjen hetimore, e cila do të na ndihmonte edhe në seancat e marrjes në pyetje”, tha Beqaj.
Masa e sigurisë ndaj ish-ministrit të Shëndetësisë Ilir Beqaj u caktua në nëntor 2023. Hetimi nga SPAK ka të bëjë me shkeljet që Beqaj dyshohet se ka kryer në koncesionin e Sterilizimit me vlerë 100 milionë euro dhe afat 10-vjeçar, të fituar nga biznesmeni Ilir Rrapaj, që ndodhet tashmë i arrestuar së bashku me ish-zv ministrin e Shëndetësisë, Klodian Rrjepaj.
Në deklaratat e mëparshme, beqaj kërkonte nga SPAK një thellim të hetimeve, ndërsa lidhur me këtë koncension është marrë në pyetje edhe Ogerta Manastirliu me cilësinë e personit që ka dijeni për rrethanat e ngjarjes. Beqaj shmangu sot komentet lidhur me disa raportime mediatike, sipas të cilave, ish-Drejtoresha e QSUT (Manastirliu) është detyruar nga Beqaj për zbatimin e koncensionit të sterilizimit.
