Duhej të prisnin tifozët dhe lojtarët e Leicester derby-n e Londrës mes Chelsea dhe Tottenham. Emocione të jashtëzakonshme, ethet përfshinë të gjithë ishullin.
U duk se festa e dhelprave u shty, pasi spurs-at udhëhoqën 2 me 0, por fillimisht Cahill dhe më pas Hazard lumturuan të gjithë ëndërrimtarët e kësaj loje magjike, e cila quhet futboll.
Para gjithë parave të derdhura lumë në Premier League fiton ajo skuadër që nuk kushton as sa kartoni i një lojtari të vetëm të City apo United. Vendoset në futboll drejtësia e të voglit, atij të zakonshmit.
E gjithë skuadra ishte ,mbledhur për të parë ndeshjen e Monday Night në shtëpinë e Jamie Vardy, e cila është kthyer në një pub. Video e mëposhtme rrëfen festën e lojtarëve kampionë sapo dëgjojnë fishkëllimën që mbyll ndeshjen e Londrës dhe i jep titullin Leicester.
