Pas falimentit të KURUM, kompania tregtare serbe bëhet “barrëmarrës”
Ka qenë e papritur kërkesa për faliment e KURUM në fund të muajit shkurt. Prodhuesi i madh i celikut në Shqipëri, zotëruesi i metalurgjikut të Elbasanit, i njohur dikur me emrin “Celiku i Partisë”, duket se po ja lëshon biznesin e vet një kompanie serbe. Revista Monitor ka publikuar sot një njoftim sipas të cilit “ Pak ditë para se Kurum të shpallte falimentin, në 19 shkurt të këtij viti, në QKR është regjistruar një kontratë pengu lidhur midis Barredhenesit “Albametal” sh.p.k. dhe “Kurum International “ sh.a. Sipas aktit të vënies së pengut, barrëmarrës janë shoqëria Albametal, me administrator Miodrag Jankovic dhe Kurum International përfaqësuar nga Yusif Sezai Kurum. Po kush është Albametal? Sipas QKR është një kompani e krijuar në tetor 2014, me seli në Elbasan që ka si objekt prodhimin, tregtimin e çeliqeve te ndertimit e profileve te tjera te hekurit. Aksioner i 100% të kapitalit të Albmetal është NOVOMETAL DOO VETERNIK. Po pronarët e rinj kush janë? Me një kërkim të thjeshtë në internet rezulton që NOVOMETAL DOO VETERNIK është një kompani e krijuar në vitin 2006 me seli në Novi Sad, Serbi. Sipas të dhënave të kompanisë në faqen e saj të internetit biznesi I saj kryesor është eksporti i skrapit, çelikut dhe tregtia e produkteve të gatshme dhe gjysëm të gatshme të çelikut. Thuhet po ashtu se kjo kompani ka lidhje me partner në Serbi, si vendet fqinje si Kroacia, Hungaria, Bullgaria, Mali i Zi, e Maqedoni, dhe se përmes këtij rrjeti vetëm në vitin 2010 ka tregtuar mbi 200.000 ton çeliqe të prodhuara nga KURUM në Elbasan.
