Kryeministri Edi Rama ka deklaruar se janë pushuar nga puna rreth 600 punonjës, pasi kanë neglizhuar shërbimin ndaj qytetarëve.
Në takimin e përjavshëm të kryeministrit me qytetarët në kuadër të programit “Shqipëria që duam”, ai tha se platforma ka shërbyer për qytetarët si instrument për zgjidhjen e problemeve.
“Janë 600 individ, nga punonjës deri tek drejtues që janë pushuar nga puna se nuk kanë qenë të denjë në shërbimin e qytetarëve. Edhe nga konstatimet tona në bazë të rezultateve të punës së matshme, nga raportet dhe ankesat, por edhe marrja e perceptimit të qytetarëve, ka një perceptim që ndjehet tek shërbimet publike. Miku i famshëm që ishte ilaç tradicional për problemet në shtet, sot ka jo vetëm pamjen, por edhe trajtën e qeverisë. Qeveria miku më i madh i çdo qytetari”, tha kreu i qeverisë.
