Kryeministri Edi Rama ka deklaruar se platforma për bashkëqeverisjen është një platformë që i mpin “buburrecat” dhe disa prej tyre i shtyp, duke nënkuptuar me “buburreca” të gjithë punonjësit e administratës, që nuk iu shërbejnë qytetarëve.
Në një takim në Kryeministri me qytetarët, Rama tha se kushedi ç’kanë hequr qytetarët shkodranë nga “buburrecat” në Hipotekën e Shkodrës, duke shtuar se vazhdon lufta ndaj tyre.
“Rri në këmbë dhe i shoh “buburrecat” poshtë tavolinës, që gërryejnë. Platforma është një sistem që i mpin “buburrecat” dhe disa prej tyre i shtyp. Ju keni parasysh buburrecat e Hipotekës së Shkodrës, kushedi ç’keni hequr, por ne po vazhdojmë të luftojmë dhe kemi preferuar këshillën e Nënë Terezës “Në vend që të mallkojmë errësirën, preferojmë të ndezim një qiri çdo ditë”.Çdokush që i shkruan platformës, është po aq i fortë sa çdo deputet apo ministër, madje është dhe më i fortë se ata”, tha kreu i qeverisë.
