Deputeti demokrat Flamur Noka ka dalë në një deklaratë zyrtare pas prezantimit të platformës së Enkelejd Alibeajt për bashkimin e demokratëve dhe zgjidhjen e krizës në PD, ku shkruan se koha e përjashtimeve ka marrë fund.
Noka shkruan se “Rithemelimi” është i gatshëm të verifikojë çdo procedurë të Kuvendit, por në asnjë mënyrë nuk do lejojë shtyrjen e tij. Sipas tij, koha e marrjes së PD ka marrë fund.
“Theksoj se askush nuk do të mundet të organizojë procese ku 1958 karrige të lexohen si 5004 delegatë. Askush çdo mundet të manipulojë vullnetin e deputetëve dhe të grupit të PD. Koha e përjashtimeve ka përfunduar dhe bashkë me të edhe koha kur vullneti i shumicës injorohej. PD mbetet e hapur për të diskutuar me çdo deputet dhe demokrat. Jemi të gatshëm që me grupin të verifikohet çdo procedurë zgjedhore të Kuvendit. Por në asnjë rast dhe rrethanë procesi i nisur prej muajsh nga Kuvendi nuk do të ndalojë. Mirëpresim të gjitha ata që do të bëhen pjesë e këtij procesi por s’do lënë askënd ta pengojë. Kush do të lidhë fatin e tij me veglat e Ramës le ta bëjë, por koha e marrjes së PD ka marrë fund”, tha Noka.
