Një ngjarje e rëndë është shënuar mbrëmjen e sotme në Lezhë. Dy persona babë e bir kanë mbetur të vrarë nga ish-dhëndri.
Bëhet fjalë për personat e identifikuar me emrat Pieter Perjaku dhe Gent Perjaku të cilët u qëlluan për vdekje mbrëmjen e sotme në banesën e tyre në fshatin Grykë Zezë, nga autori i identifikuar me emrin Besnik Pjetri.
Policia sqaron se shkak është bërë një konflikt familjar. Mësohet se Besnik Pjetri ka shkuar në familjen Gjoka sapo kishte mësuar që ish-vjehrri e ish-kunati ishin kthyer nga Italia.
Në rrethana ende të paqarta, dy palët kanë debatuar e Pjetri ka qëlluar me armë zjarri në drejtim të babë e bir duke i lënë të vdekur në vend.
Theksojmë se ngjarja e rëndë ka ndodhur konkretisht, mbrëmjen e sotme rreth orës 23:00, në fshatin Grykë Zezë në Lezhë.
Janë ngritur pika kontrolli si dhe po bëhet krehja e zonës me qëllim lokalizimin dhe kapjen e autorit kryesore të dyshuar për krimin e dyfishtë Besnik Pjetri. Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes.
