Pulitti: Kredia më e madhe që kemi dhënë ndonjëherë
Banka Europiane për Ndërtim dhe Zhvillim po konsideron dhënien e një kredie rekord prej 1.5 miliard eurosh për projektin TAP. “Ne po konsiderojmë që të akordojmë një kredi prej 500 milion eurosh, më pas do të kërkojmë edhe ndihmën e bankave të tjera me qëllim që kjo shifër të shkojë mbi 1 miliard “- u shpreh Riccardo Pulitti, drejtori i zyrës së energjisë në Bankën Europiane për Ndërtim dhe Zhvillim.
Ai deklaroi se kjo është kredia më e madhe që kjo bankë ka akorduar ndonjëherë, ndërkohë që në total projekti TAP pritet të kushtojë 6 miliard euro “Besoj se edhe me bashkëpunimin e European Investiment Bank, ky projekt do të financohet plotësisht”- theksoi Pulitti. Ceremonia përuruese e fillimit të punimeve do të zhvillohet në Greqi më 17 Maj.
