Ermal Bregu, efektiv i policisë është personi i plagosur mbrëmjen e kësaj të marte te ish-Parku i Autobusëve në Tiranë.
Mësohet se efektivi që është pjesë e strukturës së hetimit të krimeve në kryeqytet ka qenë jashtë orarit të punës kur është konfliktuar me 2 banorë të lagjes.
Ai është qëlluar në pjesën e barkut, ndërsa është dërguar në spital. Burime nga Spitali i Traumës, por edhe policia raportojnë se i plagosuri është jashtë rrezikut për jetën.
Autorët, sipas policisë janë identifikuar dhe dyshohet se janë fshehur në zonën e ish-Parku të Autobusëve, ndërsa forca të shumta kanë rrethuar zonën për ti arrestuar.
