Të shtëna me armë janë regjistruar sot në Durrës ku për pasojë një person ka mbetur i plagosur, ndërsa është shpallur në kërkim një 35-vjeçar si autor i dyshuar i ngjarjes.
Sipas njoftimit të policisë, pas një konflikti për motive të dobëta, është plagosur me armë zjarri në këmbë, Altin Sulku 43 vjeç, i cili ndodhet nën kujdesin e mjekëve, jashtë rrezikut për jetën. Policia ka identifikuar dhe shpallur në kërkim Augert Zerën si autorin e dyshuar të ngjarjes.
Njotimi i policisë
Plagosi me armë zjarri një shtetas, për motive të dobëta, identifikohet dhe shpallet në kërkim 35-vjeçari. Vijon puna intensive për kapjen e tij.
Rreth orës 10:00, në lagjen nr.8 Durrës, gjatë një konflikti të çastit për motive të dobta, është plagosur me armë zjarri, në këmbë, shtetasi A. S., 43 vjeç, i cili ndodhet nën kujdesin e mjekëve, jashtë rrezikut për jetën. Reagimi i menjëhershëm i Policisë bëri të mundur identifikimin e autorit, shtetasit A. Z., 35 vjeç, i cili pas plagosjes është larguar nga vendngjarja. Vijon krehja e zonës, për kapjen e tij.
Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes.
