Johan Muçollari, i cili u plagos me armë mesditën e sotme, është sjellë me urgjencë drejt Tiranës për të marrë ndihmë më të specializuar mjekësorë në spitalin e Traumës. I riu, i cili u qëllua me armë nga Firdeus Berberi dhe Greis Maxhari, përveç plagës së armës së zjarrit në këmbë, ka dhe një tjetër me thikë në kokë.
Lëndimet e marra nga atentati duket se po i rrezikojnë jetën të riut, ndaj dhe është sjellë për t’u kuruar në kryeqytet. Kujtojmë se atentati ndodhi në Pogradec, për shkak të një konflikti dyvjeçar mes babit të autorit dhe babit të të plagosurit. Sakaq, dy autorët janë ende në kerkim nga policia dhe familjarët po merren në pyetje.
