Arrestohet autori i dyshuar i grabitjes me armë në një supermarket në Kamëz, ku mbeti e plagosur edhe shitësja.
Personi në foto është autori i plagosjes së shitëses së marketit. Ndërkohë që tjetri është ende në kërkim. Ende nuk bëhet i ditur identiteti i njërit prej autorëve.
Ngjarja ka ndodhur ditën e djeshme në Kamëz, ndërsa gazetarja Dorjana Bezat kas mundur të sigurojë gjithë dinamikën e ngjarjes.
Sipas saj, personi në foto ka qenë i maskuar kur ka hyrë në supermarket dhe ka qëlluar pa folur.
Pastaj del jashtë bën të largohet por kthehet sërish në market ku kërcënon: Do iu vras të gjithëve”, e më pas qëllon sërish.
Plumbat kanë bërë rikoshetë, kanë prekur xhamat e marketit por edhe të një biznesi afër, një shoqërie financiare. Në market ka qenë edhe një agjent policie ndaj të cilit është qëlluar, por fatmirësisht plumbat nuk e kanë kapur. Personi ka qenë i veshur me një xhup të errët, pantallona të zeza dhe një palë atlete të vjetra. Ka pasur dhe kapuc në kokë. Dyshohet që personi të ketë probleme emocionale. Është larguar në këmbë nga vendngjarja.
Sipas burimeve, ka qenë vetëm një person që ka qëlluar me 6 plumba, ndërkohë që nuk dihet roli i personit tjetër.
