Policia Tiranë jep detajet e atentatit ndaj biznesmeni Lulzim Kazani, konflikti me tre vëllezrit për ndërtimin tek “Shkëmbi i Kavajës”
Policia e Tiranës ka ndaluar tre persona të dyshuar si autorë të plagosjes së ndërtuesit Lulzim Kazani, mbremjen e djeshme në kryeqytet. Autorët e dyshuar janë tre vëllezërit Shkëlqim, Arben dhe Frederik B, të cilët janë dhe kunetërit e ndërtuesit Kazani.
Biznesmeni i ndërtimit, Lulzim Kazani, është plagosur për shkak të një konflikti për ndërtimin e një pallati në zonën e quajtur Shkëmbi i Kavajës në Durrës. Policia konfirmoi se konflikti i ndërtuesit ishte me tre vëllezërit. Policia ka dhënë detaje të kësaj përplasje mes ndërtuesit kazani dhe tre vëllezërve, i nisur qysh në vitin 2013. Biznesmeni Kazani kishte bërë më parë disa denoncime pasi ishte penguar nga tre vëllezrit, për të vazhduar ndërtimin e Pallatit. Atentati ndaj biznesmenit Lulzim Kazani ndohi mbrëmë. Kazani është qëlluar me një breshëri plumbash tek po zbriste nga automjeti drejt banesës së tij te “Komuna e Parisit” ndërkohë që shoqërohej edhe nga bashkëshortja.
Përmes një deklarate për ,mediat, policia sqaron origjinën e konfliktit mes biznesmenti dhe tre vëllezërve. “Shtetasi L.Kazani ka patur konflikte te vazhdueshme me shtetasit : Shkelqim. B ,43 vjeç Arben.B ,44 vjeç Frederik .B, 51 vjeç.te tre banues ne Tirane. Dhe vellezer me njeri-tjetrin. Konfliktet kane ardhur si pasojë e nje ndertimi te nje pallati ne zonën e quajtur Shkembi i Kavajes, Durres”, Policia sqaron gjithashtu se në Prill 2013 nga policia e Durresit eshte ndaluar shtetasi Arben.B ,44 pas kallzimit te bere nga shtetasi L.Kazani i cili ka kallëzuar se ne menyre vazhdueshme ka penguar me force ndertimit e nje pallati ne zonën e Shkembit Kavajes. Policia publikoi gjtihë përpjekjet për të zgjidhur konfliktin ndërkohë që materialet hetimore I kishin kaluar prokurorisë.
