Pas disa orësh kërkime policia ka mundur të vërë në pranga Florjan Gjokën, 25 vjeç, autori i dyshuar i plagosjes së 51- vjeçari Martin Prenga mbrëmjen e kaluar në Mirditë. Burimet bëjnë me dije se në orët e para të mëngjesit të sotëm, policia ka arrestuar Gjokën dhe një person që e shoqëronte i cili mendohet të jetë bashkëpunëtori i tij.
Kujtojmë se, plagosja ndodhi mbrëmjen e djeshme, ku pas një konflikti të çastit, Florjan Gjoka ka qëlluar 5 herë me armë zjarri drejt Martin Prengës duke e plagosur rëndë. Ky i fundit është paraqitur fillimisht në spitalin e Rrëshenit, por duke qenë në gjendje të rëndë është transportuar drejt Spitalit të Traumës në Tiranë, ku po merr dhe mjekim të specializuar. Ndërkaq, pistat e para për këtë ngjarje janë hakmarrje ose larje hesapesh, pasi mësohet që Prenga ka qenë i dënuar më parë.
