Policia e Elbasanit ka arrestuar një person të shumë kërkuar, i dyshuar si pjesëmarrës në ngjarjen e rëndë të gushtit 2019 në Elbasan, ku në një lokal pranë Pallatit të Sportit u plagosën 3 persona.
Bëhet fjalë për Gentian Minon, i cili u vu në pranga nga policia lokale në bashkëpunim me forcat FAST.
Mino u arrestua pasi Gjykata e Shkallës Parë Elbasan, ka caktuar masën e sigurisë “Arrest me burg”, për veprat penale “Vrasje në rrethana të tjera cilësuse” e kryer në bashkëpunim, e mbetur në tentativë, dhe “Mbajtja pa leje e armëve të zjarrit”.
Ngjarja e rëndë ndodhi më datë 2 gusht 2019, në një lokal në lagjen “28 Nëntori” në Elbasan ku Mino në bashkëpunim me Ilirjan Bezhanin, i arrestuar më herët, plagosën me armë zjarri dy persona dhe një tjetër me sende të forta.
