Të tjera detaje dalin në dritë nga ngjarja e rëndë që ndodhi dje në Tiranë, ku një 25-vjeçar pas një sherri me prindërit, qëlloi me thikë babain dhe nënën. Fill pas krimit, i riu u vetëhodh nga kati i tretë i pallatit ku jetonte.
Ngjarja e rëndë ndodhi rreth orës 22:05 në rrugën “Pabli Naso” në kryeqytet. Burime zyrtare nga policia thanë se i riu Brian S… që humbi jetën sot në Spitalin e Traumës, vuante nga problemet e shëndetit mendor.
Mësohet se familja S… kishte vetëm pak ditë që ishte transferuar në këtë pallat, ku kishte marrë një apartament me qira, ndërsa ende nuk kishin përfunduar rregullimet.
Aktualisht, policia po heton rreth rastit në fjalë.
