Autori i plagosjes së tregtarit Rexhep Tare me armë zjarri në mes të Kavajës pak javë më parë, sipas vendimit të marë nga Prokuroria e këtij qyteti, do të dërgohet në Qendrën e Psikiatrisë në Tiranë.
Fitim Baboçi qëlloi kallashnikov tregtarin nga Kavaja, një ngjarje e cila tronditi qytetin disa javë më parë ndaj të cilit fillimisht u vendos masa e “Arrest me burg” por që Prokuroria ka kërkuar dërgimin e tij në Psikiatri, për shkak të gjendjes së rënduar psikologjike.
Baboçi ka dëshmuar në Polici se veprimin e ka bërë në gjendje të rënduar psikologjike sepse tare kishte kohë që e ofendonte.
“Këtë akt unë e bëra nga gjendja e rënduar psikologjike, sepse Rexhep Tare ka shumë kohë që më ofendon dhe më shan duke më thënë publikisht se “…ti je i mallkuar dhe përdhunues…”. Konkretisht isha poshtë pallatit tek zona ku unë banoj në Kavajë, pashë personin që më ka nxjerrë namin u revoltova dhe kam marrë armën në banesën time dhe mendova që ta plagosja tek këmba…”.
