Kryetari i Partisë së Lirisë, Ilir Meta u pyet në lidhje me firmat që ka hedhur në dokumente shtetërore me këto gjeneralitete dhe jo me mbiemrin Metaj. Në një konferencë për mediat, Meta tha se kjo nuk përbën problem, por deputeti i PL-së, Petrit Vasili solli rastin e kryeministrit Edi Rama për të cilin tha se ka problem ligjor pasi ka ndërruar emrin nga Edvin në Edi në vitin 2002.
“Një njeri me identitet krejt tjetër ka mbajtur poste të rëndësishme e është çështje e madhe për t’u verifikuar”, theksoi Vasili.
Pyetje? Gjendja Civile tha se ju nuk keni ndryshuar emrin e mbiemrin, por ju keni firmosur shumë dokumente, me Ilir Meta, ndërkohë që mbiemri juaj është Metaj, a përbën shkelje ligjore dhe a keni shqetësim për këtë gjë?
Ilir Meta: Jo, sepse çdo dokument e firmë e titullarëve është e shoqëruar me numër protokolli, vulë e institucionit, të cilat konfirmojnë përgjegjshmërinë apo autenticitetin e personit që ka bërë një nënshkrim. Që të mos jenë të shqetësuar as ata që nxisin histori të tilla qesharake, Petrit Vasili tregon një rast.
Petrit Vasili: Ne kemi një rast interesant, dekrete të presidentit për emërimin e ish ministrit të Kulturës Edi Rama dhe të emërimit e zgjedhjes së tij si kryetar Bashkie, ndërkohë që në 2002 Edi Rama ka ndërruar emrin nga Edvin në Edi Rama. I vetmi njeri që kemi që është në nivelet më të larta të politikës që një problem shumë të madh formal dhe ligjor se është dhe objekt i ligjit përvetësimi i postit shtetëror përmes mashtrimit me gjeneralitetit është rasti më tipik me Edi Ramën dhe e provuar. Një njeri me identitet krejt tjetër ka mbajtur poste të rëndësishme e është çështje e madhe për t’u verifikuar. Ky duhet të ishte shqetësim i madh.
